AquaFly Prioritet istiqamət: Müdafiə sənayesi və ikili təyinatlı mühəndislik texnologiyaları . Əhatə dairəsi: Pilotsuz sistemlər, təhlükəsiz rabitə, radar və sensor texnologiyaları, elektronika, mexaniki və rəqəmsal müdafiə həlləri, yerli texnoloji komponentlərin hazırlanması. AquaFly Hava və su mühitlərində işləyən ikili təyinatlı pilotsuz mühəndislik və monitorinq platformasının süni intellekt əsaslı idarəetmə sisteminin işlənməsi

AquaFly layihəsi hava və su mühitlərində fəaliyyət göstərə bilən ikili təyinatlı pilotsuz mühəndislik və monitorinq platformasının və onun süni intellekt əsaslı idarəetmə sisteminin hazırlanmasına yönəldilmiş tətbiqi-elmi layihədir. Layihənin əsas ideyası bir pilotsuz platformanın iki müxtəlif mühitdə – hava və suda – fəaliyyət göstərməsi və əldə etdiyi kamera və sensor məlumatlarının rəqəmsal sistem vasitəsilə emal edilməsidir. Platformanın fiziki hissəsi katamaran tipli gövdə, hava və su hərəkət sistemləri, elektronika, kamera və sensorlardan ibarət olacaqdır. Layihənin rəqəmsal hissəsində AquaFly Süni intellekt modulu və Mode Controller əsas komponentlər kimi çıxış edir. Mode Controller mühitin müəyyənləşdirilməsi və uyğun hərəkət rejiminin seçilməsi funksiyasını yerinə yetirir. Süni intellekt modulu isə sensor məlumatlarının analitik emalı, hadisələrin təsnifatı, strukturlaşdırılmış hesabatların hazırlanması və operatora qərar dəstəyinin təqdim edilməsini təmin edir. Platformanın tətbiq sahələrinə axtarış-xilasetmə, fövqəladə halların monitorinqi, daşqın və sel ərazilərinin müşahidəsi, su hövzələrinin və sahilyanı ərazilərin monitorinqi, körpü, bənd və liman kimi mühəndis infrastrukturlarının vizual yoxlanılması daxildir. Layihə 12 ay müddətində həyata keçiriləcək və nəticədə işlək fiziki AquaFly prototipinin, inteqrasiya olunmuş süni intellekt və Mode Controller proqram modulunun hazırlanması, laboratoriya və nəzarətli pilot sınaqların keçirilməsi, elmi məqalə və əqli mülkiyyət istiqamətində sənədləşdirmənin aparılması nəzərdə tutulur.